Euskarak azken 30 urtean izandako bilakaera ezagutu eta begirada udalerri euskaldunetan jarrita, erdalduntzeko joera nabarmendu dela adierazi du UEMA Udalerri Euskaldunen Mankomunitateko lehendakari Josu Labakak. Hargatik, gazteen kontzientziatzioan lan egin beharra dagoela iruditzen zaio eta horrekin lotu du UEMAko teknikari Xabi Aizpuruak eginiko hezkuntza proiektua: Euskararekiko pertzepzio soziolinguistikoa nola landu udalerri euskaldunetako ikasleekin: hizkuntza ekologia eta arnasguneen ideia. Esperientzia pilotu gisa praktikan jarri ere egin da 400 ikaslerekin.