"La Citadelle. Colonie d'enfants réfugiés de la guerre civile espagnole" liburuaz eta egindako ikerketaz mintzatu gara egilearekin, Txomin Hiriart-Urruty kanboarrarekin. Itzalpean zegoena azaleratu du. Eusko Jaurlaritzak ebakuatu zituen milaka haurretatik batzuk Donibane Garaziko Zitadelara iritsi ziren 1937an. Nola iritsi ziren, garaztarrek nola hartu zituzten eta euren bizimodua nolakoa zen jorratu du liburuan.