Jaka Horien mugimenduaren ezaugarriez aritu dira tertulian Zuzeu-ko Beñat Hach Embarek eta Hala Bedi-ko Igor Goikolea. Parisen berriki izan denez, hangoekin egindako solasaldiak ekarri ditu. Mugimendu hau zertan bilakatzen den ikusi behar orain, baina eskuinak berau probestu dezakeela ikus daiteke, ezin zaio utzi kaleak hartzen ordea.

#Info7AgurBira honetan geldiune ederrak egiten ari gara. Gaurkoa berezia da, Arrosa Sareko kideak gonbidatu baititugu gurera. Info7 Irratia sorretatik Euskal Herriko irrati libre eta komunitarioen Arrosa Sarearen parte izan da. 2001ean sortu zen sareak elkarlanerako esparru bat egon zitekeela uste zuen. Molotov Irratiko Irantzu Jauregi eta Herri Irratiko Txema Auzmendi lehen administrazio kontseiluko kide izan ziren. Atzera begira jarri gara sorrera hura gogoratzen, baita etorkizunera begiratu ere.

Ondarroako 'zubi-harresian' desobedientzia eta elkartasuna batu ziren. Erdian, jendez babestuta, berriz, Urtza Alkorta ondarroarra. Bost egun zirraragarri horietan gertatu zena zuzenean kontatu genizuen Info7 Irratian eta, gaur, bost urte beranduago 'elkartasun harresi' hori eraiki zen leku berera itzuli gara Urtzarekin hitz egiteko eta orduko hartan gertaturikoak oroitzeko. «Egun horietan bizitutakoaren ondorioz, nik uste nuena baino bihotz gehiagotara iritsi nintzen. Ekarrizketa hau probestu nahiko nuke bihotz horiei guztiei benetako eskerrak helarazteko»

Eguberrien atarian, familiarekin eta ingurukoekin egoteko egunak izango dira. Senideren bat edota ingurukoren bat hiltzen zaigunean, momentu zailak dira askorentzat. Doluaren eta gabonen inguruan mintzatu zaigu Aingeru Oiartzabal psikologoa. Egoera nola kudeatu gako batzuk eman ditu. Eskerrik asko Aingeru azken hilabeteotan gurekin egin duzun kolaborazioagatik.

Lehen diskoa 1980an kaleratu zuenetik, etengabea izan du jarioa Ruper Ordorikak. Bere kantuak euskal kantugintzaren baitakoak dira, herri honen iruditerian eta kontzientzian geratu direnak. Errekaso baten gisan, emariak ez du etenik. Azken estudioko lana kaleratu du, 'Bakarka'. Gitarra eskuan, bere ibilbide ezaguneko hamabi kantu grabatu ditu.

Tras la última cita electoral de Andalucía, Vox se ha colocado en el centro del debate político. Hemos abordado del auge de la extrema derecha con Jordi Borràs, fotoperiodista e ilustrador catalán, especializado en movimientos de ultraderecha. Periodista que ha sufrido durante años el acoso de los ultraderechistas y que en julio fue agredido por un policia español al grito de «Viva Franco».

Gernikan egin du geldialdia gaur Agur Birak memoria historikoa lantzeko. Memoria historikoaren lanketak Info7 Irratian garrantzia handia izan baitu 13 urte hauetan. Urte hauetan kontatu ditugu errelato horien guztien ordezkari jarri dugu Gernika #AgurBira honetan. Orain dela 82 urte bonbardaketa lehen pertsonan bizitu zutenen ilobekin, Lobak taldeko Unai Olaeta eta Itxaso Amunategirekin, elkartu da Jon Mikel Fernandez Elorz kazetaria Astran, sorkuntza gune bihurtutako garai bateko arma fabrikan. 

Abenduaren 15ean itzaliko dugu Info7 Irratia eta bide luze honetan gure ondoan, bazkide zein kolaboratzaile moduan, izan zareten guztiei eskerrak emateko ordua heldu da. Agur bat da, baina  ez da agur tristea, proiektu berri baten mesedetan itzaliko dugu irratia. Iñaki Rifaterra artistarena da  'Guri, Zuri, Zubi' litografia, gure bazkide eta kolaboratzaileek jasoko dutena 13 urte hauetan, modu batean edo bestean, ondoan bidelagun izateagatik.