|15/11/2018 02:55
#Agurinfo7Perlak Bostetako Diligentzia saioko txiste onenak

Agin Laburuk gidatzen zuen arratsaldero «Bostetako Diligentzia» saioa. Umore saio bat ez bazen ere, umorea oso presente zegoen saio osoan. #AgurInfo7Perlak tartean edizio lan ederra egin du Larratiz Otazo teknikariak eta saioko  txiste onenak bildu ditu. Gure itxiera dela eta egiten ari garen tertulia berezietan jarri diogu muntaia berezia Agini, eta pentsa,  lotsagorritu dugu! 

|15/11/2018 01:50
#AgurInfo7Perlak Urtarrileko manifestazioen jarraipena

Urtarrila hasieran Bilbon egiten den giza eskubideen aldeko manifestazio erraldoiaren jarraipena maiz egin dugu Info7 irratian. Batzuetan, La Casillatik, besteetan, Udaletxetik, gure helburua izan da beti manifestazioaren jarraipena egiteaz gain bertaratutakoei ahotsa ematea, hedabide batzuetan kontatzen ez denari argia ematea. Ekhiñe Atorrasagastik 2010eko manifestazioan egindako konexioa berreskuratu nahi izan du #agurInfo7perlak moduan. 

|15/11/2018 01:21
#AgurInfo7 Korrika2011: kilometro bezainbeste emozio

2011ko Korrika Trebiñon hasi eta Donostian bukatu zen, Ilaski Serranok eta Kike Amonarrizek egin zuten amaierako mezua, GOSE taldeak jarri zion doinua eta Euskaltzaindia omendu zen. Info7 irratian jarraipen berezia egin zitzaion Korrikari, Ekhiñe Atorrasagasti aritu zen berriemaile gisa, horrelako kontatu zituen Korrikako azken metroak. Xabier Mendigurenek zeraman lekukoa eta AEK-ko Edurne Brouardek hartu zion lekukoa.

Loading player...
|15/11/2018 01:09
#AgurInfo7perlak Ekhiñe Atorrasagastiren gabonetako agur berezia

Gabonen atarian egindako agur berezia aukeratu du Ekhiñe Atorrasagastik perla moduan. Albitegietako gidaria zen Atorrasagasti eta altegi bukaeran agur berezia egin zuen, agur berezia eginez preso eta dispertsatuta zeuden Garikoitz Mugika eta Ion Telleria lankideei. Zetorren urteari ereeskari berezia egin zion Atorrasagastik. 

Loading player...
|15/11/2018 00:40
#AgurInfo7perlak Hedabideek zioten Ion Telleria atxilotuta zegoela, baina, Ionek egun onak eman zituen  «Kalegorrian» en

2009ko azaroaren 24an Espainiako poliziak eta Guardia Zibilak Gazte Independentisten kontra makrooperazio bat egin zuten, 36 atxilotu guztira. Hainbat hedabidek zabaldu zuten Ion Telleria  atxilotu zutela Idiazabalen. Informazio okerra zen baina, Telleriak albistea gezurtatu zuen gidatzen zuen «Kalegorrian» saioan, normaltasunez egin baitzuen saioa Martin Garitanorekin batera. 

Loading player...
|15/11/2018 00:07
#AgurInfo7Perlak Ion Telleria: 2013ko Ikurriñaren kalejira

Idiazabaldarra bada ere emozioz bizi ditu Iruñeko San Ferminak Ion Telleriak. Horregatik, ez da harritzekoa 2013ko uztailaren 6an egindako saio bereziko zuzeneko bat hautatzea #AgurInfo7perlak moduan. Ikurriñaren kalejira udaletxe plazan sartu zenekoa ekarri du zehazki gogora. Oihu eta bultzada artean gertatzen zena kontatzeaz gain elkarrizketak egiteko ere gai izan zen Telleria. 

Loading player...
|14/11/2018 22:56
#AgurInfo7perlak BTN13ko iragarki-trama

2013ko Euskal Herriko Bertsolari Txapelketako jarraipena egin genuen Info7 irratian. Saio guztiak eman genituen zuzenean, kanporaketetako lehen saiotik BECeraino. Gure jarraipena eta finalerako bi sarrera bikoitz zozketatuko genituela iragartzeko iragarki sorta ederra genuen. Hauxe BTN13ko iragarki-tramaren abiapuntua:  Bertsozale askori gertatu bezala Ion Telleria eta Maite Bidarte finalerako sarrerarik gabe geratu ziren, bazekiten erredakzioan bazirela sarrera batzuk gordeak, zer egin baina horiek lortzeko? Bai Telleriak bai Bidartek bai ala bai joan nahi zuten BECeko finalera, eta sarrera horiek lortzeko muturreraino iristeko prest zeuden...

Loading player...
|14/11/2018 14:59
Vanesa Fernandez (Zinebiko zuzendaria): «Askatasunean mundua ulertu eta eraldatzeko tresna da Zinebi»

Zinema Dokumentalaren eta Film Laburren Nazioarteko Zinemaldia, Zinebi martxan da Bilbon. Ostiralean amaituko den arren, oraindik gauza asko daude ikusteko. Mundu osotik iritsita sail ofizialean dauden 52 filmetaz gain, beste sekzio eta topaleku ezberdinak ditu. 60. aldia da eta «asko aldatu da» Vanesa Fernandez Zinebiko zuzendariak esan digunez. Diktadurapean sortu zen, «askatasun esparrua zen, mundua ulertzeko leku bat eta berau eraldatzeko tresna» nabarmendu du.

Loading player...
|14/11/2018 14:53
#AgurInfo7perlak Bostetako Diligentzia: Xabier Arzallusekin apustuan galdu

Agin Laburu ez da soilik info7ko historiara pasako bere umore finagatik, (horregatik baita ere) badu beste lorpen bat. «Bostetako Diligentzia» saioan Xabier Arzallus jeltzale historikoa elkarriketatu zuen, ez ezazue pentsa ohiko elkarrizketa izan zenik. Aurretik, Ibarretxe Lehendakari izango zen edo ez egin zuten apostu, eta Aginek galdu. Horregatik ardo botilarekin joan behar izan zen Arzallusengana zorrak ordaintzeko. #AgurInfo7Perlak bezala aukeratu du Laburuk Arzallusi egindako elkarrizketa hau. 

 

Loading player...
|14/11/2018 14:46
#AgurInfo7Perlak Agin Laburuk Maialen Lujanbioren txapela emozioz kontatu zuenekoa

Maialen Lujanbiok Euskal Herriko txapela 2009an jantzi zuen lehen aldiz. Andoni Egañarekin iritsi zen buruz burukora eta hernaniarra gailendu zen. BECen aditu zen txalo zaparrada eta emozioa zaila da deskribitzen. Agin Laburu Info7 irratiarentzat ari zen zuzenekoa egiten, emozioz bizitu zuen berak ere momentua. Hauxe berak aukeratutako #AgurInfo7perlak.

Loading player...
Page 1/ 415