Donostiako Boulebarrean geldialdia egin dugu Gipuzkoako hiriburuan izan zen 'herri-harresia' gogora ekartzeko. Egun horietan gertatu zena bertatik-bertara segitu ahal izateko kazetarien 'talaia' izan zen kioskoan eseri ditugu Oier Lorente eta Mari Paz Casanova. 'Herri-harresian' parte hartu zuten biek, baina modu desberdinean. Lorente atxilotze arriskuan zegoen gazteetako bat da eta Casanova berriz, Egoi Alberdiren ama, alegia, Lorenterekin batera atxilotze arriskuan zeuden 9 gazte auziperatu horietako baten ama. 2013ko apirila hartan Donostian gorpuztu zen elkartasun horren alde biak batu ditugu, beraz, solasaldian; jasotzen duenarena eta ematen duenarena.

Ondarroako 'zubi-harresian' desobedientzia eta elkartasuna batu ziren. Erdian, jendez babestuta, berriz, Urtza Alkorta ondarroarra. Bost egun zirraragarri horietan gertatu zena zuzenean kontatu genizuen Info7 Irratian eta, gaur, bost urte beranduago 'elkartasun harresi' hori eraiki zen leku berera itzuli gara Urtzarekin hitz egiteko eta orduko hartan gertaturikoak oroitzeko. «Egun horietan bizitutakoaren ondorioz, nik uste nuena baino bihotz gehiagotara iritsi nintzen. Ekarrizketa hau probestu nahiko nuke bihotz horiei guztiei benetako eskerrak helarazteko»

El programa 'La Memoria' de Martxelo Alvarez es uno de los programas más veteranos de Info7 Irratia. Programa que se ha emitido ininterrumpidamente en las ondas de nuestra emisora todos los lunes de 22:00 a 23:00 de la noche y durante casi 13 años. Una aportación radiofónica a la recuperación de la Memoria Histórica, que hoy hemos querido agradecer al propio Martxelo con esta entrevista que le hemos realizado en las Siete Calles de Bilbo. 

Gernikan egin du geldialdia gaur Agur Birak memoria historikoa lantzeko. Memoria historikoaren lanketak Info7 Irratian garrantzia handia izan baitu 13 urte hauetan. Urte hauetan kontatu ditugu errelato horien guztien ordezkari jarri dugu Gernika #AgurBira honetan. Orain dela 82 urte bonbardaketa lehen pertsonan bizitu zutenen ilobekin, Lobak taldeko Unai Olaeta eta Itxaso Amunategirekin, elkartu da Jon Mikel Fernandez Elorz kazetaria Astran, sorkuntza gune bihurtutako garai bateko arma fabrikan. 

Abenduaren 15ean itzaliko dugu Info7 Irratia eta bide luze honetan gure ondoan, bazkide zein kolaboratzaile moduan, izan zareten guztiei eskerrak emateko ordua heldu da. Agur bat da, baina  ez da agur tristea, proiektu berri baten mesedetan itzaliko dugu irratia. Iñaki Rifaterra artistarena da  'Guri, Zuri, Zubi' litografia, gure bazkide eta kolaboratzaileek jasoko dutena 13 urte hauetan, modu batean edo bestean, ondoan bidelagun izateagatik. 

Agur Bira honetan ezin zuzenean eskertu gabe utzi gure bazkideak, 2.000 bazkide, Info7 irratia lagundu dutenak ekonomikoki, eta baita moralki ere. Hasiera-hasieratik proiektuaren aldeko apostua egin zuten hiru bazkiderekin elkartu gara Bilboko Etxebarrieta plazan. Anizeto Prieto (Barakaldo), Mertxe Mendez (Bilbo) eta Xabier Isasarekin (Bilbo). Sinbolikoki horrela eskertu nahi izan ditugu bazkide guztiak.

Info7 Irratiak apostu berezia egin du bere hastapenetatik Bertsolaritzan. Horregatik, geldiune berezia egin dugu gaur Barakaldon, BECen zehazki. Besteak beste, Info7 Irratia izan baitzen Euskal Herriko Bertsolari Txapelketako saio denak, zuzenean, eskeintzen lehena. Zuzenean eman ditugu ere herrialdetako final guztiak.  Gaur, euskararen egunean, Barakaldon elkartu gara Asier Alzedo eta Idoia Anzorandiarekin, biak dira Barakaldoko bertso eskolako kideak. 

#AgurInfo7 tertuian perla hau berreskuratu dugu. Euskal Herriko Rap-a eta musika beltza izan ziren protagonista 2014an emititu zen Revolutionarty Grooves saioan: M.A.K, Norte Apache, Suaia ta Lahaine, Glaukoma, Neat, Askapen Sound System, Thow Mc, Daskeken…