Tabakaleran dagoen Ubik liburutegia berezia da. Sorkuntzarako leku ezberdinak eskaintzen ditu eta milaka dira urtean hara joaten direnak. Langileak, bitartekariak, ordea ez daude euren lan baldintzekin pozik. Iñigo Otxotorenak salatu duenez, «goi mailako prestakuntza izanagatik ere soldata baxuak, ordutegi kaotikoak eta orohar baldintza kaxkarrak» dituzte langileek. Azpikontrataturik dago zerbitzua eta horrek zaildu egiten die euren lan baldintzetaz hitz egiteko bidea.