Mendillorri, Berriozar, Tafalla, Lizarra, Errotxapea, Lodosa, Burlata...Nafarroa Gaztetxe loraldia bizitzen ari da.  Gaur gurean izan ditugu Lizarrako, Tafallako eta Burlatako gaztetxeetako kideak. Dela hamarkada batzuk gertatu bezala, hainbat herritan gaztetxeek ateak ireki dituzte berriz ere «Maravillas Gaztetxearekin domino efektu bat eman da» erantzun dute loraldi honen zergatiaz galdetuta. Iruñeko Maravillas gaztetxearen kontra desalojo agindu bat dago, horren inguruan galdetuta erantzuna garbia da, erantzun bateratu bat emango dela: «gaztetxe bat ukituz gero, Nafarroako gaztetxe guztiak ukituko dituzte».