“Soinu jolearen semea” filmaren grabaketan egon gara, Donostiako Miramar Jauregian. Pelikula hau Bernardo Atxaga idazlearen eleberri garrantzitsuenetako batean dago oinarritua. Antzerkiak izandako harrera paregabearen ostean, Fernando Bernués zuzendariak eleberri hau pantaila handira eramango du. 2019. urteko urtarrilean egongo da zinema aretoetan ikusgai. Zuzendaria bera elkarrizketatzeaz gain, filmean parte-hartzen ari diren Joseba Apaolaza eta Asier Hernandez aktoreekin hitz egiteko aukera ere izan dugu.