Apirilaren 23 eta 24ean, faxisten erasoaren kontrako Intxortaren erresistentziak 81 urte betetzen ditu. Egitarau oparoa dute abian Elgetako Udalak eta Intxorta 1937 kultur elkarteak. Asteburuan bisita gidatuak, frontean hildakoei omenaldia eta Elgetaren gainbehera antzezlana egingo dute. Aurten lubakietan antzezlana egin ordez, Elgetara sartzerakoan egin zituzten basakeriak oroituko dituzte, Ainhoa Bernabe Aranberri Elgetako Udaleko teknikarik esan digunez. Intxortan indar faxistak gelditzeko ahaleginek Euskal Estatutua onartzea eta Eusko Jaurlaritza osatzea ahalbidetu zuten.