1000 urte ditu Baigorriko Etxauzia gazteluak. Erregeak igaro dira bertatik, bizkondeen esku egon da, gerrak jasan ditu eta orain gazteluaren jabe diren senar-emazteek salgai jarri dute. Bada, Etxauzia euskaldun guztien etxea izan dadin lanean ari da Etxauzia Nafartarren Etxea elkartea. Diru bilketa abian dute, irailerako 500.000 euro lortzea da une honetan erronka. Kattalin Sainte-Mariek azaldu dizkigu egitasmo honen xehetasunak.