El Dueso espetxe atarian Rafa Diezi lehen harrera egiten izan da Sortuko Arkaitz Rodriguez. Salatu duenez, "Estatuak ezker abertzale osoa zigortu nahi izan du eta Rafari bere ekarpen militantea ordainarazi". Rodriguezen esanetan "batzuk tematuta jarraitzen dute Euskal Herria iraganeko fasean mantentzeko", eta horregatik zigortu zituztela deitoratu du. Baina "oztopo guztien gainetik, ezker abertzaleak garai berri eta itxaropentsua zabaltzea lortu du" Sortuko kidearen iritziz.