Eta gero, ezagutu ez zuen eta haren antza omen duen Amaiurko amatxi Eugeniez eta haren hizkeraz oroitu zen Maya. Bizitza zaila izan zuen hark, eta gaur egun ere bizitza ez dela erraza harremanetarako uste du Mayak. Informazio eta sare sozialen garaiotan, bizitza ez komunikatuz konplikatzen dugula iruditzen zaio. Eta, horren ordez, gure amonengandik ikasi behar genukeela, haien mintzoa bihotzetik ahora ekarrita bizi behar genukela.