Hala izaten dira Aulestiko topaketak, aurtengoan XII. edizioa dutenak. Astelehenean hasi eta larunbata bitarte zortzi antzezlan eta bost tailer eskaintzen ari dira. Artedramako Ander Lipus dabil antolakuntzan buru belarri, aurtengoan gainera berezia berarentzat, "Hozkailua" obraren estreinaldiarekin eman baitio hasiera topaketari eta "Francoren bilobari gutuna" lanarekin emango diete amaiera.