Elhuyarreko Hizkuntza eta Teknologia unitatekoek Hezkuntza Saileko Berritzegune Nagusiarentzat egin duten Irakurle Digitalari buruz hitz egin du Saroi Jauregi Aiestaranek, unitate horretako komunikazio arduradunak.

Euskararen inguruko mezu ezkorrak nagusi diren honetan, gehiegizko pesimismoa etsigarria izan daitekeela uste du Karmelo Ayestak.

Seme-alabek lagun artean geroz eta erdara gehiago erabiltzen dutela ohartzen diren gurasoentzako aholkuak eman ditu Iñaki Eizmendik.

Uste baino eragin handiagoa dute lana egin eta pentsatzeko nahiz kontsumitzeko gure erek gure bizitzan. Maiz normaltzat hartzen ditugun pentsamoldeak normalak baino eraikuntza sozialaren ondorio direla nabarmendu digu Lanki ikertegiko Maider Iriartek gaurko Arrosa irratiko sareko ZEBRABIDEA magazineko  Kooperarock tartean.

Ur botilen plastikoaren eta egunero asko erabiltzen ditugun beste hainbat materialen oinarria den PET (polietilen tereftalatoa) jaten duen mikroorganismoa aurkitu dute. Azkar esanda, orain arte ustez biodegradagarria ez zen material bat orain biodegradagarria izan daitekeela dakigu.

Irulegi irratiko esatari Jojo Bidartek euren bueltako berriak jorrati dizkigu irratien tartean. Ondoren, Estitxu Eizagirrek Argiaren aste honetako alea aurreratu digu, bereziki, Mikel Garciak Gasteizko eskoletan gertatzen ari den segregazioaz egindako erreportajea.

Poziktibistanen gertatzen diren hainbat egoeraren adibideak aipatu dizkigu Martin Kittok gaurkoan: Hernanin euskarazko errotulu baten gainean eskuz idatzitako gaztelaniazko esaldia.

Xorroxin Irratiko esatari Amaia Eneterreagak euren bueltako berriak ekarri dizkigu irratien tartera, bereziki, irratiaren 35. urtemuga ospatzeko egindako irratsaio berezia nabaremendu digu. Tertulian, kazetariek nahitara edo nahi izan gabe hartzen duten protagonismoaz eta euren bueltako morboaz hausnartu dugu Aitor Abaroa eta Nora Salbotxekin.