|2017/08/25 13:42
"Txupinera Askapeñakoa izateak lan bikoitza suposatzen du, baina ilusioa handia da"

Gaur Askapeña konpartsan erakunde internazionalistaren 30. urteurrena ospatuko dute, abestia egin duen La Jodederaren emanaldi eta guzti. Jhasna konpartsakideak Dignidad Y Justiciak euren kontra jarritako salaketaren berri ez dutela jaso oraindik argitu digu. "Hauek urtero zerbait atera behar dute eta ez badago ezer asmatu egiten dute" salatu du. Askapeñan dauden argazkiak Gernikan "faxismoak hildakoenak" direla argitu du eta hedabide batzuen "difamazioa" salatu.

Loading player...
|2017/08/25 13:32
Ketutako garagardoa, gaztaina, brandya eta ardo zaporekoen dastaketa

Azken garagardo tartea izaki, garagardo bereziak dastatu ditugu. Santo Cristo Galizarrek gaztainarekin egindakoa; Montseny kataluniarrek brandy upeletan ondutako Mala Vida; Garagart arabarrak ardo upeletan egindako lehen seriea; eta Gënstaller Bräu alemaniarraren Afflumicator ketutako garagardoa. Zapore berezia dutenez, bakoitzak puntuazio ezberdina eman diegu. Zeuk ere dastatu eta egin rankinga!

Loading player...
|2017/08/25 13:19
"Wahabismoa musulmanen artean korronte txikia izan arren, Saudi Arabiaren bitartez zabaldu da munduan zehar"

Azken astean askotan aipatu eta entzun ditugun hitzak dira Wahabismoa, Salafismoa, Yihada, eta tankerakoak. Kataluniako erasoak gertatu eta astebetera, horri buruz Txente Rekondo, nazioarteko gaietan adituarekin hitz egin dugu gaur goizean karelean saioan. Estatu Islamikoaren finantzaketaz edota izandako bilakaeraz jardun du Rekondok.

Loading player...
|2017/08/25 13:03
"Agindu judiziala emana dago eta irailean espero ditugu hondeamakinak"

Tosu Betirako kolektiboko kideek sei urte daramatzate Getxoko Andra Mari auzoan lurra lantzen. Hodei Rodriguezek kontatu digunez, aparkaleku bat egin nahi dute metroko geltokiarekin lotuta. 2010etik amaituta dago geltokia, baina itxita. Eremu hori da Getxoko azken nekazal auzoa eta etxez betetzea dutela xedea ohartarazi du. Hori horrela, abuztuaren 31tik aurrera hirugarren erresistentzia kanpaldia abiatuko dute.

Loading player...
|2017/08/24 13:47
Kaskaerrepresaliatu eguna, eta oraindik indartsu!

Kaskaerrepresaliatuen eguna ari dira ospatzen gaur, ostegunez, Kaskagorri konpartsan. PaYa konpartsarekin batera bazkaria egingo dute, bazkaloste musikatua, poteoa, playback lehiaketa eta elektrotxaranga kaskagorriko "jubilatuekin, nostalgikoekin". Mikel Ruizek Hontzak konpartsak jasandako "zentsura" salatu du, eta baita beste urte batez euskal preso eta iheslarien argazkiak "jo puntuan" jarri izana.

Loading player...
|2017/08/24 13:35
Asto lasterketaren ordez, karro karrera

Ataungo San Gregorio jaiak hilaren 31an hasiko dira. Nekane Munduatek kontatu digunez, egun fuerteena ostirala izaten da, kuadrila eguna. Astoen ordez, karroak dira kuadrilen lehiarako erabiltzen dituztenak. Lau eguneko egitarauan gustu guztientzat dago eskaintza.

Loading player...
|2017/08/24 13:21
"Estatu sinesgarri gisa jokatu du Generalitateak"

Katalunian izandako erasoen aurrean, Kataluniako Gobernuak krisia kudeatzeko erakutsi duen "gaitasuna" nazioartean agerian geratu dela uste du Beñat Zaldua Garako kazetariak. Espainiako agintak "jokoz kanpo eta erantzun tinko bat eman ezinik" ikusi ditu. Mossoek hartu duten protagonismoaz aparte, euren jokabidea "inork ez duela zalantzan jarri" azpimarratu du. Prozesuan honek izan dezakeen eragina aztertzea goiz izanagatik ere, erasoen kudeaketak "Kataluniako herriaren heldutasuna" erakutsi duela iritzi dio Zalduak.

Loading player...
|2017/08/24 13:04
"Asko dugu ikasteko Italiako borroka sozialetaz"

Italian Askapenako brigadetan izan zen Onintza Valverde. Kontatu digunez, borroka sozialetaz asko dugu ikasteko Euskal Herrian. AHTaren kontrako borroka iraunkorra, etxebizitzarena, marginazioaren kontrakoa edota emakumeena ezagutu dituzte besteak beste.

Loading player...
|2017/08/24 12:23
Gazteluko harpeetako aztarna prehistorikoak

Lapurdin, Donamartiri eta Isturitzeko lurretan dagoen Gazteluko harpeetan barrrena ibili gara Oier Gorosabelekin. Aurkitu diren aztarna zaharrenek 80 mila urte dituzte. Halaber, famatuak dira munduan aurkitutako 22 txirulak. Urteetan ikertu izan dute harpe hau, eta nabarmentzekoa 1973an espelourpekariek sifoiaren beste aldean aurkitu zutena. Gaur egun Isturitz eta Otsozelhaia bisitarientzako zabalik daude.

Loading player...
|2017/08/23 13:59
Igandean dohainik ikusi ahalko da EHko VII. Emakumezkoen Kopako finala

Zazpigarren edizioa du aurten Kopa honek. Athletic eta Erreala aurrez aurre izango dira igandean eguerdiko 12etatik aurrera Elgoibarko futbol zelaian. Kike Zurutuza Euskal Herria Kirolako kideak eman dizkigu txapelketaren xehetasunak, eta berau antolatzeko arrazoiak.

Loading player...
Orria 1/ 22