|2015/11/16 14:31
"Gerrari, euri tanta bati edo puzker txiki bati kantatzeko gai"

Amalur-Euri tanta banintz disko bikoitza argitaratu dute Pirritx, Porrotx eta Mari Motots pailazoek. Amalur diskoa baserriari eskainitakoa da "elikagaien gaia ikastetxeei, etxeei, herri bezala ukitzen gaituen gaia delako" esan digu Joxemari Agirretxe Porrotx-ek. Eta Euri tanta banintz diskoan Joxan Ormazabalen olerkiak bildu dituzte "unibertso sakona eta jolastia topatu dugu" aitortu digu Agirretxek. Ikuskizun berria herriz herri aurkezteko gogoz sumatu dugu.

Loading player...
|2015/11/12 14:07
Piperrak loretan, lekalea hozitzen...San Martingo udalditxoa

San Martingo udalditxoa luzaten ari da eta hori nabari da garaiko eta bertako produktuetan. Hainbat adibide jarri dizkigu Lierni Elortzak azoken tartean: piperrak loretan, lekaleak hozitzen, arto opila egiteko nahiko urik ez errotan...Errezil sagar edo ibarbi sagarrak, mizpira sorginak eta ekoizle-saltzaileen Londresko bidaia ere aipatu ditugu.

Loading player...
|2015/11/12 13:27
"Tristea litzateke erraustegia arrazoi juridikoengatik geratzea bertan behera baina ongi etorria"

Zubietako errauste plantaren bideragarritasuna zalantzan jarri du GHK Gipuzkoako Hondakinen Konsorzioaren egoerak. Azken honen izaera aldatu du Madrilgo gobernuak eta ondorioz, 50 milioiko zorra izateaz gain errauste planta aurrera eramateko estrukturarik gabe gera daiteke. Asko dira azken aldian erraustegiaren balizko proiektua mahai gainean jarri duten albiste eta ekimenak. Horiek aztertu ditugu Zero Zabor taldeko Ainhoa Arrozpiderekin.

Loading player...
|2015/11/11 13:54
"Epe ertainean robotak gure artean egongo dira"

Urtea ez digu zehaztu baina epe ertain batean robotak gure bizitzetan egongo direla ziurtatu digu Elena Lazkano informatikari eta robotikan ikerlariak. Egun iada medikuntzan, enpresetan, aplikazio militarrean erabiltzen dira eta pertsonekiko elkarbizitzan emozioak eta enpatia izango dituzten robotetan urratsak ematen ari direla azaldu digu. Hori guztia aztertuko dute UEUk bihar Donostian antolatu duen Informatikari Euskaldunen X. Bilkuran.

Loading player...
|2015/11/11 07:50
J. Galparsoro (CEAR) "En la CAV hay logistica suficiente para  acoger a un millar de refugiados, sólo han llegado 3.  Es lam  entable"

En Gakoa hemos hablado con Javier Galparsoro abodago y presidente de CEAR (Comisión de Ayuda a Refugiado). La semana pasada llegaron los primeros refugioados a Euskal Herria: 3. Una cifra lamentable segun el representante de CEAR, ya que CEAR Euskadi ya ha dado ha conocer que hay logistica suficiente para albergar a un millar de refugiados. Garparsoro ha criticado que el proceso de acogida está siendo lento y cansino. En nuestros micrófonos también ha recordado que solo son 130 los refugiados acogidos en toda Europa,  cuando se ha comprometido a recivir a menos  160.000.

 

Loading player...
|2015/11/09 15:21
Gure herriaren historia modu atseginean kontatua

"Geure herriaren historiaren irakurketa geure ikuspegitik berreraiki eta eskuragarri jartzeko asmoz sortu da proiektua" diote Lur eta Amets. Euskal Herriaren Historia egitasmoa martxan jarri duten lagunek. Euskal Herriko Ikastolen elkarteak, Katxiporretak eta Elkar argitaletxeak sortu dute gaztetxo eta haurrei begira pentsatu baina familia osoarentzat baliagarria den proiektua. Liburu, ipuin sorta, mahai-joko eta atari digitala dira egun, marrazki bizidun izan nahi du etorkizunean.

Loading player...
|2015/11/09 15:03
Militantziak behera eta polikiroldegiek gora?

[TERTULIA] Behobia-Donosti lasterketa hartu dugu oinarri, kirolari, masifikazioari eta kirolak gure bizitzetan hartu duen garrantziaz hausnartzeko Gaizka Amondarain eta Amagoia Mujikarekin. Kirola lehia huts gisa ulertzen dugu? Garrantzitsuena bukatzea da? Kirola erlijio berria bihurtu da gure jendartean?

Loading player...
|2015/11/06 11:55
Asteko argazkiak: kazetaritza hiritarra

Kortxoenea oinarri hartuta kazetaritza hiritarrari begira jarri gaitu Bostok Photoko Gari Garaialdek Asteko argazkiak atalean. Gaur egungo mugikorrek gertakarien inguruko irudiak hartu eta berehala sarera igotzeko aukera ematen dio edonori. Baina lortzen al dute euren helburua? Eta zergatik hainbeste bideo eta argazkiak gutxiago? Irudi finkoak ez al dira gogoangarriagoak?

Loading player...
|2015/11/05 13:25
Bertako lekaleak denbora gutxiagoan jateko prest

Azoken tartean lehenik eta behin bertako lekaleei begira jarri gaitu Lierni Elortzak. Arabako garbantzu edo txitxirio, dilista eta babarrunak aipatu dizkigu. Gainerakoak baino errazago eta azkarrago egosten direla aipatu digu, azala finagoa dutelako. Hasi berri den arkume garaiari ere begiratu diogu baita Extremadurako oliba freskoei ere.

Loading player...
|2015/11/05 13:03
Etxerako lanak zergatik eta zertarako?

[TERTULIA] Guraso asko kezkatzen dituen gaia da haur eta nerabeei ikastetxeetatik igortzen zaizkien etxerako lanena. Badira etxerako lanei planto egitera deitu duten guraso elkarteak. EHIGEk esaterako, gaia ikastetxeetan eztabaidatzeko proposamena jaso du. Gaia mahai gainean jarri diegu Ana Eizagirre eta Ariane Kamiori.

Loading player...
Orria 112/ 119