Kartzelaz maiz mintzatu da gure herrian, baina gehienetan preso politikoen ikuspegitik eta ez hainbeste kartzela instituzio gisa. Jardunaldiak abian ditu asteon GITE-IPES elkarteak Bilbon. Espetxetako borrokak, abolizionismoa, lan esplotazioa edota botere patriarkalaz hausnartuko dute. Ruben Nietok esan digunez, 'jakinik lehenago edo beranduago kartzelen kudeaketa bertatik egingo dela, instituzio honen gaineko hausnarketa eta eztabaida soziala bultzatu nahi dugu'.