David Gonzalezek, Galder Izagirrek eta Gorka Urbizuk, BERRI TXARRAK taldeko kideek, euren bederatzigarren estudioko 'Infrasoinuak' lana aurkeztu digute. Bill Stevenson eta Jason Livermor ekoizleekin grabatutako hamar kantuko lanean taldearen esentzia aurki daiteke, estilo ezberdinak kantu bakarrean uztartuz. Australian eta Asian barrena hasiko dute bira datorren urtean. Gurean berriz, martxoan BECen eskainiko duten kontzertuan ikusi ahal izango ditugu, “San Mames okupatuta zegoelako, bestela bertan" joko zutela esan digute irrien artean.