Teknologiak aurrera egin duenez, nabarmendu du atzean geratu dela hiztegiko sarrera bakoitza hizkiz hizki idatzi beharra. Horren ordez, sistema automatizatuak baliatzen dituzte orain. Elhuyarren kasuan, Erauzterm eta Itzulterm tresnak baliatzen dituzte. Gainera, Manterolak nabarmendu du orain arte hizkuntzalarien eta makinaren arteko lanaren emaitza zirela hiztegiak, baina orain edozein erabiltzailek duela hiztegigintzan parte hartzeko aukera, sistema kolaboratiboei esker. Elhuyarren kasuan, Zientzia eta Teknologiaren Hiztegi Entziklopedikoaren ataria jarri du adibidetzat.