Estitxu Eizagirrek 'Argia' astekariaren azken alerako landu dituzten gaien aurrerapena egin du, bereziki, LAB sindikatuko idazkari nagusigai Garbiñe Aranbururi egindako elkarrizketa aipatu du. Halabedi irratiko Igor Goikoleak Samuel Pasandinekin hitz egin du, egunotan LOMCE erreformaren aurka hainbat ikastetxetan egin dituzten protestez. Komunikazioaren tartera Kalaka komunikazio parekideko Ilazki Gainza batu da eta emakumeen jabekuntza eskolez hausnartu du. Amaitzeko, Ibai Fresnedorekin gaurko egunari erreparatu diogu: homofobiaren, transfobiaren eta bifobiaren aurkako egunari.