Ondoren, Bergarako Txapa irrati libreko lagunek Itsaso Galarragari elkarrizketa egin diote, Arrasateko gazetxean sortu berri duten haur eta guraso asanbladaz. Sormenaren tartera, berriz, Halabediko Jon Aranburu eta Ibon Rodriguez musika kolaboratzailea batu dira eta Derribos Ariasen abestiak eta historia ekarri dituzte. Amaitzeko, bost urte bete dituen Zarauzko Jalgi dantza taldeko bi kiderekin hitz egin dute Arraio irratiko lagunek, iganderako antolatu duten helduen dantzari egunaz.