Gizarte zibilaren aroa
Gatazkaren konponbidean, burujabetzarako bidean, errefuxiatuekiko elkartasunean, laborarien bizi baldintzetan...gizarte zibila protagonista nagusi izaten ari den aroa zabaldu ote da gurean? Zer nolako potentzialitatea du gizarte zibilak? Gernikan gaur gizarte zibilaren aurka egindako eraso bortitza gogoan dugun honetan, esparru honetan eredu diren hiru herritarrekin hitz egin dugu.
Gizarte zibilaren aroa
Mizel Bergougnan bakearen artisaua, Gure Esku Dago ekimeneko bozeramale Anjel Oiarbide eta Ongi Etorri Errefuxiatuak ekimenko Begoña Uharterekin hitz egin dugu. Hirurek eta ELB-Lurzaindiako Dominique Amestoyek Herria Eraiki lelopean arratsaldean Ortzaizen izango den mahainguruan parte hartuko dute. Basaizea elkarteak antolatu du ekimena, Nafarroaren Egunaren harira.
