Ondoren, Euskal Herriko Bilgune Feministako Idoia Arraizarekin 'Bilgune kontari'-n jasotakoak errepasatu ditugu, bereziki, maiatzaren 6an Berriozarren egingo dituzten topaketak aurkezteko antolatutako boteretze tailerrez aritu da. 17:00ak aldera, Ainhoa Villaverderi deitu diogu une horretako Korrikako giroaren berri gurera ekartzeko. Jarraian, GITE-IPESekoek kaleratu duten 'Gernikaren egiak' liburuxkari buruzkoak azaldu ditu Ibon Meñikak gurean. Amaitzeko, ikus-entzunezkoen tartera Maitane Legarreta batu da Zinea.eusk atariko 'Kutsidazu' atalaz, Benito Ansola bekaren laugarren deialdiaz eta Netflixeko telesail estreinaldiez hitz egin digu.