Bilboko Ingeniaritza Eskolan gaua pasatzen ari ziren ikasleak kanporatu ditu Ertzaintzak bart gauean. Ikasleek ez zuten gaua bertan igarotzeko baimenik eta horregatik gerturatu omen da Ertzaintza. 200 ikasle inguruk ordea, hustea ekidin asmoz teilatura igotzea erabaki dute eta Ertzaintzarekin negoziatu ostean fakultatea euren kabuz hustea erabaki dute. Ertzaintzak hitza eman die ez duela identifikaturiko ikasleen kontrako auzibiderik irekiko.