Ondoren, 'Gaur8' astekariko Xabier Izagak biharko zenbakiko eduki nabarmenenak aurreratu ditu. Gaurkotasunaz egiten dugun errepaso kritikoaren tartean Maite Sabalza estreinatu da gaur, eta Gasteizko Legebiltzarreko hauteskunde kanpainari, Donostiako 64. Zinemaldiari zein memoria historikoari begira jarri da. Literaturaren tartera 111 Akademiako Amaia Goikoetxea batu da eta Iñaki Irasizabalen 'Gauzak ez ziren sekula berdinak izango' zein Pello Añorga eta Jokin Mitxelenaren 'Barruko leihoa' liburuei buruzko iritziak ekarri ditu. Amaitzeko, Radiokulturako lagunek Xilaba bertso txapelketako antolatzaile Mari Karmen Albizuri egindako elkarrizketa izan dugu entzungai.