Ondoren, Oihana Bartra eta Oier Imaz batu dira tertuliara eta Euskararen Gizarte Erakundeen Kontseiluak normalizazio bidean eskatutako neurri eta epeez hausnartu dugu. Donostiako Gros auzoko Miracruz 19 eraikina eraiste arriskuan dagoenez, ez eraisteko eta ondarea babesteko lanean ari direnei ahotsa eman nahi izan diegu, eta Andoni Lamarka elkarrizketatu dugu. Larunbat honetarako Bilboko Bizkaia aretoan antolatu duten 'Jakinduriek mundue erreko dau 2016' bertso zientzia emanaldiari buruzkoak Xabier Artaetxeberriak ekarri dizkigu. Amaitzeko, Oiartzun irratiko Mirari Martiarenak Atlantikaldiako antolatzaile Laura Landari egindako elkarrizketa izan dugu entzungai.