Ondoren, Aitor Kaltzakorta eta Oier Imazekin tertulian murgildu gara, eta ekainaren 26an izango diren Espainiako Gorteetarako hauteskundeez nahiz udazkenean egingo diren Gasteizko Legebiltzarrerakoez hausnartu dugu. Elkarrizketa Mugak kolektiboko Anaitze Agirreri egin diogu, asteartean aurkeztu zuten etorkinei buruzko zurrumurren aurkako ZAS! sareaz.  Kultur sormenen tartean, Halabediko Jon Aranburuk Pettirekin hitz egin du, 'Etxeko uzta' taldearekin egin eta larunbatean Donostiako Antzoki Zaharrean aurkeztuko duen 'Hotzikarak' diskoaz.