Ondoren, Estitxu Eizagirrek Argiaren aste honetako alea aurreratu digu, bereziki, Gernikako Astra lantegi okupatuaren hamargarren urtemugaz egin duten erreportajea. Elkarrizketaren tartean, Halabedi irratiko Igor Goikoleak Martxoak 3 elkarteko Lander Garciarekin hitz egin du, aurten 40 urte beteko baitira Gasteizko Zaramagako elizan bilduta zeuden langileen aurka oldartuta poliziak bost lagun hil zituenetik. Komunikazioari zabaltzen diogun tartera Urtzi Urkizu batu zaigu eta hedabideen bueltako nobedadeak nabarmendu dizkigu. Amaitzeko, Askapenako auzipetuen absoluzioaz Unai Vazquezek Info7 irratian esanak ekarri ditugu eguneko adierazpenen tartera.