Beleixe Irratiko esatari Alfredo Alvaroren eskutik Sakana aldeko kontuen berri izan dugu. Ondoren, Oier Imaz eta Aitor Kaltzakortarekin tertulian murgildu gara, eta ikastolen eta eskola publikoaren arteko elkar ulertu beharraz hausnartu dugu. Jarraian, Askapenako Julen Zulaikak espainiar estatu inperialista epaitzeko herri epaiketen dinamikaz hitz egin digu. Kultur sormenen tartean, Bilaka egitasmoaren ingurukoak jakin ditugu Radiokulturako lagunen eskutik. Amaitzeko, Kortxoeneako egoera zertan den ezagutu dugu Txapa irratikoei esker.