Euskal Kantugintza atalean gure kantugintzari begira jartzen gara, atzera begira. Gotzon Barandiaranekin euskal literatura eta kantugintza uztartuko ditugu, elkarlan horretatik sortutako kantuek euskaldunon imaginarioa nola elikatu duten aztertzeko. Gure historiari begira jarri gara gaur; Xabier Iratzederren "Orreaga"tik hasi, Lauaxetaren "Amayur gaztelu baltza"rekin segi eta Arestiren "Oinaz eta Ganboa"rekin amaitzeko. Benito Lertxundi, Antton Valverde, Imanol, Petti eta Oskorriren kantuak entzun ditugu.