Munduko Poesia Kaierak bildumako 10, 11 eta 12. liburuak plazaratu berri ditu Susa argitaletxeak. Ingeborg Bachmann, Eugenio Montale eta Jorge de Senaren antologiak itzuli dituzte Nagore Tolosak, Anjel Lertxundik eta Rikardo Arregi Diaz de Herediak. Beñat Sarasola argitalpenaren zuzendariak gerturatu gaitu autore bakoitzarengana eta tartean poema batzuk entzuteko aukera ere izan dugu.
