Nafarroan abian den aldaketaren baitan LGTBI kolektiboa urrats garrantzitsuak ematen ari da. Gobernuak unitate berezi bat osatu du, iaztik martxan da Kattalingune zerbitzu publikoa eta parlamentuan LGTBI kolektiboaren berdintasuna bermatzeko legea tramitatzen hasiko dira aste honetan. Kepa Yecora Nafarroako Gobernuko Berdintasunerako Institutuko kidearekin eta Erika Salvatierra Urtasun Kattalinguneko langilearekin aztertu dugu egoera.

Sukalde tartean bere gogoeta eta errezetak ekarri dizkigu ohi bezala Imanol Zubelzuk. Gaurkoan, kirola egin ostean jatea komeni den osagaiez hitz egin digu. Karbohidratoak eta aminoazidoak nabarmendu dizkigu, baita potasioa ere. Nuddleak barazki eta haragiarekin jatea oso egokia izan daiteke baita platano bat jatea ere. On egin!

Atzoko Errekaleorreko gertakariei begira jarri gara tertulian Jon Garmendia eta Ixabel Etxeberriarekin. Antzeko proiektua izan daitekeen Frantziako ZAD guneaz ere egin dugu gogoeta eta Iberdrolaren jardunetik tiraka energia alorrean lortu beharreko burujabetzaz hitz egin dugu. Lasalleren hitzak ere ekarri ditugu.

Igandean ospatuko da aurtengo “Musika Zuzenean” jaialdi akustikoa, Urnietako Sarobe Arte Eszenikoen gunean. Hitzordua arratsaldeko 19.00etan izango da. Aurtengoa, jaialdi akustikoaren laugarren edizioa izango da, aurreko urteetan Elorrion, Andoainen eta Oreretan ospatu ondoren.

Esta mañana, en Kalegorrian, hemos conocido una asociación bilbaina que lleva 14 años trabajando en la lucha contra la exclusión social. Hablamos de la Posada de los Abrazos, que ha organizado un vermú solidario para este domingo a las 12.00 de mediodía, en el bar Muga, que en el Casco Viejo de Bilbao y que servirá para recaudar fondos y poder seguir con su labor.

Azoken tartean garaiko eta bertako produktuen asteroko errepasoa egin dugu Lierni Elortzarekin. Gereziak izan dira aste honetako nobedade nagusia; Gabiri, Etxauri eta Itxasuko gereziak. Pepino edo luzokerrak ere aipatu ditugu baita udaberriko zizak ere. Beste "poxa", Donostiatik iritsitako ekoizle gazte berria izan da, eztigilea.

Hiru urte bete ditu Olatukoopek, ekonomia sozial eta eraldatzailean jarduten duten enpresa, elkarte, erakunde eta kooperatibek osatzen duten sareak. Gorka Julioaren esanetan “heldutasun puntu bat” lortu du egitasmoak. Une honetan sektore ezberdinetako 25 proiektu barne hartzen ditu. 

Iberdrolaren gaineko ikerketa dela eta askok erabaki dute argindar enpresa hau alde batera utzi eta gurean ditugun beste alternatiba batzuen alde egitea; Goiener edo I-Ener izan daitezke, bata Hego Euskal Herrian eta bestea Ipar Euskal Herrian bidea egiten ari dira energia berriztagarriak oinarri hartuta herritar kooperatibak sortuta. Ordezkari banarekin hitz egin dugu.