Ekonomia sozial eta eraldatzaileaz aritu gara ostegunero bezala Olatukoopekin elkarlanean egiten dugun tartean. Biantik kooperatibako Ion Turrillasekin izan gara, Olatukoopen inguruan, eta baita aholkularitzako zerbitzu espezializatuak eskeintzen dituen kooperatibaz ere hizketan. 

Aran gorria, andere mahats beltza, berenjena, piper morroa, kalabazina, uraza berriak nahiz erremolatxa, baita loreak ere, bertako eta garaiko produktuz bete-beteak daude azokak, Lierni Elorzak astero egiten digun kronikan baieztatu digunez

Atzo amaitu zen sei gipuzkoarrek errauskailuaren kontra pasa den asteazkenean Donostiako Easo Plazan abiaturiko gose greba. Astebeteko baraualdiaren ostean “borrokan jarraitzeko asmoz” segitzen dute errausketaren kontrako sei aktibistek, gaur goizean Iñaki Armendarizek Kalegorrian saioan baieztatu digunez.

Astorroxa tartean, umorez nola ez, uda iristen denean emakumeei gorputz perfektua eskatzen zaiela nabarmendu du Idoia Torregaraik. Bada, aitortu digu bera ez dela beti depilatzen, ez dakiela makilatzen, ilea ez duela apaintzen, hankak zabalik izaten dituela batzutan, eta ama “perfektua” ere ez dela.

Lekarozko Aroztegia proiektua sustatu duen enpresari Nafarroako auzitegiak arrazoia eman ostean 'Aroztegia eta gero zer?' plataformako Jon Elizetxek azaldu digunez, "herritarrek ez dute inolako aukerarik izan proiektuan partehartzeko".Erabaki judizialaren aurrean, eurek "Baztango herri lurrak eta baztandar gehienen interesa defenditzen" segituko dutela ziurtatudigu, "gutxi batzuen gainetik".

Haurrez eta homosexualitateaz hitz egin dugu Amagoia Mujika eta Marisa Barrenarekin tertulian, sexu bereko bi umeren maitemintze istorioa kontatzen duen animaziozko filma bat aitzaki hartuta. Umeek eredua izatea funtsezkotzat jo du Barrenak, Mujikak, berriz, aitortu du, bere inguruko gurasoen artean behintzat, guztiek onartzen dutela homosexualitatea baina nahiago dutela semea edo alaba gehiengoa bezalako izatea, beraz, heterosexuala, “gutxiago sufritu dezan”.

Desgaitasun fisikoaren bat duten pertsonen elkarteak biltzen ditu Gipuzkoan Elkartu federazioak. Topaketa antolatu du gaur Donostian, irisgarritasunaren legeak 20 urte bete dituen honetan, legearen garapena aztertu eta etorkizuneko erronkak mahai gaineratzeko. Elkartuko zuzendari Mikel Malkorrarekin izan gara gu.

El pasado 8 de junio se celebró el “Día Mundial de los Océanos”. Una jornada en la que, este año, destacó sobre otras cuestiones el plástico. Ese material que, poco a poco, está invandiendo los mares del planeta. Tema sobre el que hablaba ayer, en Ekoketxea de Bilbo, Javier Franco, investigador en el Area de Gestion Ambiental de Mares y Costas de AZTI.